Noha

Kha Gaye Shaam Ke Zindan Mein Andhere Baba Lyrics Shadman Raza

Kha Gaye Shaam Ke Zindan Mein Andhere Baba Lyrics written in urdu and english text recited by noha khuwan Shadman Raza. View and download Shadman Raza noha lyrics similar to lyrics of Kha Gaye Shaam Ke Zindan Mein Andhere Baba on khairilamal.

Kha Gaye Shaam Ke Zindan Mein Andhere Baba Lyrics by Shadman Raza in English text

Azadaro Dua Mango Koi Aisy Yateem Na Ho
Jaisy Sakina Yateem Hui Sham Ke Zindan Mein
Jab Sakina Ko Baba Ka Sar Mila
Lipta Ky Sar Ko Seeny Se Bachi Ny Yeh Kaha
Kha Gaye Sham Ke Zindan Mein Andhere Baba

Kha Gaye Sham Ke Zindan Mein Andhere Baba

Kis Ko Kehty Hain Yateemi Yeh Suna Tha Mainy
Ap Ky Bad Yeh Ehsas Hua Hai Baba

Kha Gaye Sham Ke Zindaan Mein Andherey Baba

Ap Ky Bad Yateemi Ki Saza Pai Hai
Itni Tanha Hun Keh Saya Hai Na Parchai Hai
Rat Ro Ro Ky Guzarti Hai To Din Matam Mein
Qaid Khaney Mein Yun Hi Sal Kata Hai Baba

Kha Gaye Sham Ke Zindan Mein Andherey Baba

Zindagi Meri Dukhon Sy Hai Ibarat Baba
Kaisi Qismat Ny Dikhai Hai Museebat Baba
Main Jo Roti Hun To Lagty Hain Tamanchy Baba
Ap Ki Yad Mein Rona Bhi Saza Hai Baba

Kha Gaye Sham Ke Zindan Mein Andherey Baba

Ashk Ankhon Sy Nikalty Hain Lahoo Kanon Sy
Ab Darindon Sy Nahi Khaof Hai Insanon Sy
Aik Majboor Yateema Par Sitam Dhaty Hain
Meri Taqdeer Mein Durron Ki Jafa Hai Baba

Kha Gaye Sham Ke Zindan Mein Andhere Baba

Ap Ki Tarha Sy Roothy Hain Ujaly Baba
Kon Zindan Sy Ab Mujh Ko Nikaly Baba
Tu Ny Manga Tha Duawon Mein Khuda Sy Jis Ko
Ab Wohi Beti Hai Zindan E Jafa Hai Baba

Kha Gaye Sham Ke Zindan Mein Andhere Baba

Kitny Armaan Thy Keh Zindan Sy Main Ghar Jaun Gi
Aisa Lagta Hai Yahin Ro Ro Ky Mar Jaun Gi
Yeh Sitam Gaar Sakina Ko Kafan Kya Den Gay
Kya Kafan Aap Ky Lashy Ko Mila Hai Baba

Khaa Gaye Shaam Ke Zindaan Mein Andhery Baba

Baba Kehty Hain Yeh Zindaan Ky Andherey Mujh Sy
Maot Hi Aye Gi Ab Mujh Ko Dilasy Deny
Teri Har Sans Hi Rehti Hai Sitam Ki Zadd Par
Aisy Jeeny Sy To Marna Hi Bhala Hai Baba

Kha Gaye Sham Ke Zindan Mein Andherey Baba

Zakhm Lakhon Hain Kalaijy Mein Dikhaun Kaisy
Mujh Py Jo Beet Rahi Hai Woh Bataun Kaisy
Pyas Lagti Hai To Pee Leti Hun Aansoo Apny
Shimr Ky Durry Sakina Ki Riza Hai Baba

Kha Gaye Sham Ke Zindan Mein Andhere Baba

Lafz Mazhar Ny Jo Likhy Hain Lahoo Roty Hain
Shadman Ankh Sy Yun Ashk E Aza Behty Hain
Aisa Lagta Hai Keh Zindan Sy Sada Ati Hai
Kaisa Noha Meri Ghurbat Py Likha Hai Baba

Kha Gaye Sham Ke Zindan Mein Andhere Baba

Related Articles

Leave a Reply

Your email address will not be published. Required fields are marked *

Back to top button